أصفار ... للشاعر سامي النويهي

أَصْفار
يارب وانت المُستعان
زلزل حصون الأمريكان
يارب واحفظ قُدسنا
من نسل صهيون الجبان
يارب فَرَّق جَمعُهُمْ
يارب شَتِّت شَملُهُم
دلايشوفوا راحه فــ عُمْرُهُم
ولا يوم يحسوا بالأمان
غير الدُعا مبقاش حيلتنا
على كُترنا ضاعت هيبتنا
الديب بياكل قوت عيلتنا
واحنا اللى بالديب استعان
ياأُمه مكسورة الجناح
دَمِّكْ وعِرضِكْ مُستباح
كَمْ قُلنا حى على الكفاح
لكن بنغلط فى المكان

ياللى انت حقك مُغتَصَب
م الغرب خُد شَجْب وغَضَبْ
وبلاش تراهن ع العرب
قلب العرب مات من زمان
إحنا اتفطمنا على الإهانه
حتى اللى منا مش معانا
رضينا نبقى سد خانه
أصْفار على شمال الزمان
سامى النويهى