عبي الشنطة ... للشاعر سعيد عرفة

عبى الشنطة

الناس تعبانة وجعانة
لايهمها مرض ولا إهانة
المهم تنام شبعانه
فرضوا الحظر ومنعوا اللمة
وقالوا حياتكوا عندنا هامة
فيرس يقضى على دنيتكوا
حافظوا عليها وعلى دولتكوا
بس سيادته ركب سيارته
وجوا المول لم بضاعته
من هنا حبة ومن حبة
ملئ السلة وعبئ الشنطة
أكل كتير مالهوش لازمة
شرب كتير يحل الأزمة
فاكر أن بأكله
يزيد حبة فى عمره
كده بيحافظ ويحمى نفسه
وجنبه فقير نفسه فى لقمة
وجنابه وطريقة فهمة
عمل الأزمة من غير لازمة
عمر ما حد ما مات من الجوع
بس الفيرس يفضى جموع
فكر بس فى الموضوع
أسأل نفسك عيش فى خشوع
سلم أمرك وأدعى رجوع
لطريق ربك بصدقه بسيطة
تمنع شر وتحيي جموع
قبل ما يجى يوم وتلاقى
نفسك وحدك تبكى دموع
الصدقة طريق الإحسان
كل الناس تعيش فى أمان
تحمى نفسك والغلبان
جارك جنبك يكون فرحان
قبل ما تنسى قوم وأتوضى
أحمل طبقك قوم وتمشى
خبط بابة وأسال عنه
عايش ولا صريع عطشان
كلنا واحد غنى وفقير
مسلم ولا مسيحى أخوان
نرعى ولادنا ويا ولادهم
ده يبقى طريق البنيان
يا ما الأزمة ظهرت معدنا
ووقفنا فى وشها شجعان
أزمة تعدى وغمة تزول
واللى هيفضل ذكرى الاحسان
واللى هيمنع بكره يجيله
يوم فى حياته يعيش ندمان .
بقلم/ سعيد عرفه