ذكرى رحيل المفكر الكبير صلاح جاهين ... للشاعر صلاح منير

ذكرى رحيل المفكر الكبير/ صلاح جاهين

بقلم: صلاح منير

الريق في الحلق ناشف

والبسمة خاصمت الشفايف

محبوس الصوت جواك

لكن قلبك بالكلام مليان

والصرخة جو الحشا متكلبشة

زلزلت االصدمة القلب زلزلة

والحزن رقد رجال ياولداه

حزين أنت مش مصدق اللي حصل

واللي حصل عمره ما كان ع البال

شايف معشوقتك في توب الحزن ملفوفة

وأحلامك في بكرة الجاي بالأخطار محفوفة

الحلم اللي اتحفر في الفؤاد من سنين اتسرق

قلب العصفور الرقيق ما أحتمل..انكسر

كابوس على الصدر كابس ذي الحجر

دعيت ملاك الموت وقلت أنا راحل

نديت بأعلى صوت خلاص منش قادر

وفي زيارته استقبلته بالبسمة والفرحة

وبقدومه ارتحت م الأحزان وشدة الحرقة

وتركتنا يا صلاح لذكريات حلوة جوانا

كتبتها بالقلم ورسمتها بالريشة وبصوتك

بعد ما عشنا معك الحلم بقلوبنا

وانجازات الثورة شفناها بعيونك

صوت العندليب مترصع بأشعارك

عمال فلاحين وجنود جمعتنا في صورة

وسعاد سندريلا العرب بحسن تدابيرك

ليلة كبيرة بمتعة معاك عشناها

دندش مكاوي فيها بألحانه كلماتك

نكتة في الأهرام نستناها كل صبحية

فيها ملخص مشكلة أو قصية سياسية

وعشقنا فيك شاعر عميق زجال

حفظنا لك كل قصيدة وغنوة ورباعية

وفي التمثيل بصدق حقيقي فنان

وقد ايه الغنا بصوتك ملا الوجدان

وكنت فيلسوف يا جاهين في زمانك

ان كان لينا حق نقول يا صلاح عجبي

على المواهب اللي ما لها حدود نقول عجبي

على اللي عاش عاشق للوطن وبيه مهموم نقول عجبي

على اللي نشر الحكمة مصبوغة بالضحة نقول عجبي

صلاح منير

مصر