كوب شاي ... للشاعر أحمد محمود حفني

كوب شاي

مع قلب طيب
والقلب يفضفض
ع اللي فيه

يحكي له
ع اللي شايله
ودايما جوا بيداريه

لما العين تيجي في عنيه
تفضحه وتكشف عمايله
والروح تروح إليه

ساكن بين أربع حيطان
مفروشين حب وحنان
المفتاح في اديه أمان
حافظ الود ولا عمره خان

يفهمني من غير كلام
ولا عمره بدء الخصام
لو اسيت عليه في يوم
يصالحنى من غير ملام
المحبه والمودة والوئام

مش بكام
زي طيور الحمام
قلوب راضيه
مليانه حب وسلام

كوب شاي
مع قلب قريب
والقلب يفضفض
باللي بيه
..................................
أحمد محمود حفني