رباعيات . أنا في عينيها ياما سرحت ... للشاعر وائل الباشا كاتب

رباعيات/ انا في عنيها ياما سرحت
انا في عنيها ياما سرحت
خدني الشوق والهوا وارتحت
عشت سنين كتير احلام
وياما كتير ليهم اشتقت
انا في عنيها شفت غرامي
نغمه تعزف صمت كلامي
تحكي قصة شوق وهيام
احتار لو في جمالها وصفت
انا في عنيها ياما سرحت
****
انا في عنيها خدني نصيبي
لما نادتلي قالت ياحبيبي
في حضن رموشي اتغطي ونام
ياحكاية حب عليها فتحت
انا في عنيها حاسس اني
عاشق نفسي اطير واغني
وبدون شك واي كلام
انا من نظره بيها اتعلقت
انا في عنيها ياما سرحت
****
انا في عنيها وصلت لحاله
مش محتاجه ياقلبي قواله
دوبت انا وانت في احلا غرام
ونسيت روحي سرقني الوقت
انا في عنيها وهى ملاحظه
اني اسير ووليد اللحظه
ولما بتنده ليا قوام
كأني من اللحظه دي بدأت
انا في عنيها ياما سرحت
****
تحياتي/عاشق فن الرباعيات