دواير بتكبر ... للشاعر وائل سليم عبد الله

أزرق وأخضر.. دواير بتكبر
نهون في روحنا وندعي نكَّبَّر
فكل جراحنا في دايرة عملنا
فنكتب نهاية ونبدأ نعمر
....................
يموت المربع تعيش الدواير
ده روحنا في عهدة رب المصاير
طريقنا طريقه ما دومنا عبيده
فنعقل ونصبر نِعَّدِّي اللي صاير
..................
همايل..خمايل في كل العمايل
حجرنا اللي داير بيصنع هوايل
يشقلب عقولنا يزيد من خبلنا
يزايدوا علينا في حالنا اللي مايل
....................
ده وعيي أساسي في كل النواصي
ووعيك أشيله في قلبي وراسي
وواقع مظاهر وعشق ومناظر
وكل اللي ظاهر شوية كراسي
....................
كورونا ده إسم تَرَدِّي إصطناعي
وكله يِشَّغَّل دماغه صناعي
كأنه ف مجرة بيطلع لبرة
ويمشي ويشرب وياكل رباعي
.......................
فيا رب هون علينا إبتلاءنا
وزيد من إيمانا وبادر شفاءنا
وكن عون لينا وشيل من علينا
فعفوك ولطفك بحالنا وبلاءنا
#وائل_ساليم_عبدالله