مشاعر شاعر ... للشاعر المتألق أحمد محمود حفني

مشاعر شاعر

إمسك قلمك
واحكي مشاعرك
اوعى تخبي البوح جواك
خلي الناس كلها تسمع لك

ارسم بسمه بالألوان
ارسم ورده فى البستان
اوصف أم بقلب حنان
حكاية أب سند وأمان

امسح دمعه من ع الخد
نور شمعه فى ظلام ممتد
طفي نيران تحرق وتهد
اروى ثمار الخير تشتد

ارسم ضحكه لطفل يتيم
وضح ايه معنى التعليم
اوعى تخلي الفكر عقيم
أظهر قلب حنون و رحيم

ازرع حبه تطرح خير
انزع شر وصحي ضمير
اوعى تخلي العقل أسير
للاوهام بدون تفكير

اكتب كلمه ليها معاني
مره بتضحك مره تعاني
توصف حب أو فعل أناني
بس الحرف يكون إنساني
.................................
أحمد محمود حفني