سوق الحياه/بقلم الاستاذ/احمد محمود حفني

سوق الحياه 

نزلت سوق الحياه 

ادور على المعروض 

لقيت البضاعه كتير 

ومفيش طلب مرفوض

اللي يشتري الطيبه 

الدفع فيها بشروط 

واللي عنيه ع العيبه 

السعر عليها محطوط 

فيه من يقولك خد 

ويحلى فى عينيك عرضه 

واللي يشدك شد 

يملي عليك شرطه 

مشيت لقيت بضاعه 

عليها ياناس زحمه 

سألت إيه السر 

قالولي دي لحمه

معروضه للشاري 

والسعر فيها رخيص 

قلت وانا مالي 

مدام مرضي بحلالي 

لقيت وحده مسكه شوال 

بتنادي على الماشي 

تعال اشتري مني 

مسكينه وعندي عيال 

واللي يطاطي الراس 

شاري بدون تفكير 

فى بضاعه مالها أساس 

ويبيع مكانها ضمير 

وواحد فارش بعربيه 

بينادي على المره 

قلت ومالو اشوف مره 

لقيت الحبه مستويه 

لاكن طعمها مره 

نزلت سوق المحبه

قلت اشتري حبه 

لقيت بياع الهوا 

واللي عيونه بالبكا صبه 

لقيت بياع بقول موال 

والشاري ولا التمثال 

سألت إيه السر 

قالو بسيط الحال 

بياع و بضاعته كترانه 

والبيع كمان بالكيف 

لاكن شروته خسرانه

وعملي فيها شريف 

سوق الحياه ماضي 

اللي يبيع غالي 

والطعم في الفاضي 

واللي يبيع بقليل 

لاكنه متراضي 

لكل شروه حساب 

متقيد هناك فى كتاب 

مافيهاش ياناس غش 

ولا كوسا بين الاحباب 

...........................

أحمد محمود حفني