لو تسألني عن الفحولة ... للشاعر المتألق سليمان كامل

 ولو تسألني عن الفحولة

بقلم // سليمان كاااامل
******************
ولو تسألني عن الفحولة
أقولك ياصاحبي كان زمان

لا كنا نسمع عن فياجرا
ولا نسمع عن كيتوفان

ولا يوم عرفنا إسم تامول
ولا سمعنا عن هورس مان

كانت طبيعي كل الفحولة
والدي ووالدك وجدودنا يامان

عودين جرجير على تلاته فجل
وبصلة حراقة وغني أمان

صحة عفية تفوت في الحديد
وقوة تكفي حزمتين نسوان

ولا خزي نشوفه يطالعنا كل يوم
على الشاشات فضايح إعلان وإعلان

وتدخل أي صيدليه تشوف
حجم مبيعاتها دليل وبرهان

ولايوم نلاقي راجل منكس
وصوت مراته عالي ورنان

مطاطي راسه بخزي ومذله
كأنه ياعين أمه من الفراش هربان

ولو .......تسألني عن الفحوله
هقولك موضوع ومتخطط زمان

أمة بيزيد عددها كل يوم
في يوم من الأيام هتكون عدوان

أمة محمد قوتها بكثرتها
وخصوبة أرحامها تتاقل بالميزان

وفحولة رجالها هدف ثمين
لكل الأعادي من شرق وأمريكان

مخطط ضرب اقتصاد بلادنا
حتى نعيش بهموم وأحزان

تتعطل عقولنا عن الإبداع
ونعيش في وهم وضعف الأمان

ونقولها بالبلدي راجل ومهموم
كيف هيكون فحل وأتان

يادوب يتنفس ويحرس عياله
وهو ظل راجل في المكان

راحة بال ولقمه هنيه
وأمن وأمان هتبقى حصان

أحلى وصفة من غير تكاليف
لكن يارب يبعد عنك كل خوان
........................................
سليمان كاااااامل ......2020/9/22 الثلاثااااء