صرخة وطن//بقلم الاستاذ الشاعر/شاعر العاميه/خالد موسى

صرخة وطن

بصرخ صراخي  وجع

بيهد ف كياني

يا سوريا يا طيبه

لإمتى هتعاني

كترت سنين الردى

وانا لسه ف مكاني

حلمي العليل إندبح

وبيحرقوه تاني

وكلاب ف توب العرب

بيزيدوا في جناني

لابسين لتوب الولايا

بيدوسوا أحزاني

ساكتين بيتفرجوا

وبيشجعوا الجاني

حزين عليك يا وطن

والخزي غطاني

ابكى ع المهزله

ولا ابكي على روحي

ولا انت ياولوله

هتغطى ف جروحي

يادنيا مالك كده

ع الاصل بتنوحي

دا بن الصهاينه اتحرق

كل العرب طفوا

لجل يهود الدنايا

الكل يتصفوا

وحته من قلبنا

بيحرقوها يهود

ووطنا عاش العطن

مبقاش وطن

ولا عاد له اي وجود