يامالك قلبي /بقلم الاستاذة الشاعرة الشريفة /مهى المسلمي

يا مالك قلبي 

ملكت الروح والعقل وشاغلني

كل أيامي بأستناك

نبض الحنين تعب قلبي ❤

تنور دنيتي وحياتي بيك

لما مليت القلب وعقلي

ما في يوم حنيت وصعبت عليك 

قولي حكايتك ايه معايا

سيطرت علي نبضي وفكري

أنت أصبحت لعمري أيامه

علشان ملكت كل مشاعري

طيفك عامل لي أيه

ألاقيك في طريقي كل الوشوش

حبك دواء لكل جروح

أسمك بالدهب علي القلب منقوش

مهما العقل ينبهني ويحذرني

لسه الفكر بيك مملوك

ليه حبك أسرني ومقيدني

أنا مش لاقي لسؤالي جواب

ان قفلت ميت شباك

ألاقيك اقتحمت حياتي من الباب

لما دفع بحر الهوي امواجه

عرفت ان الحب ملوش أسباب

يكفيني السعادة في حبك

ولا أدورش عشقتك ليه

عشقك لذة وفرحه 

كل أبيات الشعر ما تكفيه

اللي بيريحني جدا جدا 

لما أقضي ليلي يلازمني طيفك

حتي لما الفجر يأذن

افرح جدا يمكن أشوفك

دايما صوتك همس بودني

أحلي أغانيا ليك

عزفت أجمل غنوة لقلبي

كورال العالم كله مايكفيك

أن يوم فكرت أخبي

ألقي عيني بتدور عليك

أن سكت لساني

نبض القلب يناديك

بقلمي 

الشاعرة الشريفة 

مهي المسلمي