(هي دي نهايتك) /بقلم /الاستاذ الشاعر/ صبري حسين

( هي دي نهايتك) كلمات /صبري حسين 

صدقت الكلام

ان الصراحة فبها الراحة

جمعت شجاعتي

واخد  قراري

فتحت كل خزاين قلبي

من غير لف ولا دوران

بدأت الكلام

الحروف بتجري علي شفايفي

بترقص وتغني

اخيرا  هعبر  عن نفسي

الحروف بتناديني

السطور عطشانة

بحبر قلبك اسقيني

من مشاعرك أرويني

كله ده داير في رأسي

من لهفتي

صدقت نفسي

سمعت كلام قلبي

بدأت  افضفص واحكي

من غير مقدمات

لها  اعترفت

ايوة انت لحن قلبي

انت كل حياتي

اجمل احلامي

اغلي  آمالي

انت اقرب لي من نفسي

اعترفت بكل صراحة

كنت فاكر اني هلاقي الراحة

لكن هروح فين من سوء بختي

الحزن دايما نصيبي

اعترافي كان صدمة لحبيبي

رد فعله قتلني

الدنيا اسودت في عيني

البكاء غلبني

حاكمت نفسي

صرخ عقلي بأعلى صوته

ليه طلعت عن طوعي

نسيت نصايحي

ياما قولتلك  خلي سرك بين صدرك

اياك تبوح بمشاعرك

عيش حبك  بينك وبين نفسك

كفاية عليك خيالك

نسيت كلامي

ومشيت ورا كلام قلبك

اعترفت بحبك

شوف ايه مصيرك

بيدك  قتلت حلمك

دبحت قلبك

ليه اعترفت

كل حاجة خسرت

من نهايتك قربت

اوعي تلوم غير نفسك

صبري حسين