*****عيونك بتحكي*****/بقلم/ الاستاذ الشاعر/ياسين مصطفى بكري

******* عُيونِك بتحكي *******

مأحلى عُيونِك أسكَروا قلبي

يا ريت لو بَسمة إلي تعطي

تمَنيت كل العُمُر أشوفك

ولما رجِعتي إنتَعَش حُبي

بتِحكي معاي برَفِت رموشِك

يا ساكتة بعيونِك بتحكي

الحيا منِك لَوَن خُدودك

واللون أحمر صار من وردي

شُفت الانامل ناعمة زنودِك

كاس المحبة دائما ملي

كُل العُمر بظل بدروبك

إنتِ سكَنتي القَلب بِتظَلي

حَبيت أعزف عا وتَر عودِك

وانت علحني دائما غَني

...بقلمي...ياسين مصطفى بكري...