#عنتروعبلة٢٠٢٠ /بقلم الاستاذ الشاعر /. _ايمن_شتا

#عنتروعبلة٢٠٢٠

#قلم_ايمن_شتا 

انا مهري مية ناجة من نياج الحمر

وخيمة مفروشة من جذوع التمر

وشبكتي تضوي مثل لهيب الجمر

واعيش معاك عالحلو إياك ادوج المر

انا بنت ناس يا عنتر ونسبنا والله يسر

......

انا حالي يا عبلة لسة ميسورش.. 

لو نبتدي بأيجار والله ميضرش... 

وان كان على الشبكة..

دول حتتين صيغة..

و فرش وجهاز والله بقت ميغة.

وانا لسة في الأول..

والله طافح المر..

وان كان على نسبك..

نسب الرجال بيسر..

........

يا عنتر الخطاب جاين على داري

وانت ولا همك ولا تكون داري

لأمته يا عنتر عن اهلي انا اداري

ولامتة هستني والله شايفة المر

انا بنت ناس يا عنتر..

نسبنا والله يسر...

.....

يا عبلة براحة.. انا قولت بصراحة

لو حالتي مرتاحة.. كنت اجبلك قصر

مانتي شايفاني..حياتي قرفاني

وهتبقي علشاني.. بس شوية صبر

.....

والله يا عبلة حالي مهوش بيسر.. 

انا لسة في الاول.. 

والله طافح المر..

وان كان على نسبك..

نسب الرجال بيسر..

صبرك يا عبلة عليا..

عايزين شوية صبر..