عذاب القلب ((125 )) ... للشاعر الغنائي صبري رسلان

عذاب القلب ( 125)
........................
قالوللي ده سافر ...
ولا فات لك جواب
ويا ريت تنسي ليله
وإعتبريه سراب
إزاي قال نسانا
وإمبارح معانا بيغازل هوانا
وسلامه إبتسامه بيعد للقاه
ده الشوق لسه عطره
وريحته في غيرته وعشقه كمان
بالهمس إبتدينا
والروح دايبه فينا
تتكلم عيونا ولا أنغام كمان
ونهينا غرامنا على
شوق زاد في نارنا
حاضنين همس زارنا
حاضنين في المكان
فتحت فى عيوني
على قالوا وقالوللي
بين لحظه وفاتوني
على دمعه وعتاب
ولا كلفش خاطره ولا دقلنا باب
تارك لي دموعي
على فرحي اللي غاب
ولو أعاتب عيونه
ما هصدق يخونوا
ويسيبني فى عذاب
قالوللي ده سافر
ولا ساب لك جواب
عشيمنا في بكره
وسنين شايله ذكرى
صدقنا غرامه بان وهم وضباب
بكلم في حالي وأشكي لفجر جالي
إزاي كان أناني وساب لي المر غاب
بيكوينا بناره
وقلبي فاتح له داره
يتهنى بغرامه وأخرتها العذاب
إحساسي خدعني
وحتى الشوق لاوعني
لا قاللي هجرني
بااااااااااااعني
وعلى قلبي الحساب
هتحمل عذابه
واقول راضيه بغيابه
ولو شوفته يا قلبي
ولا تفتح له باب
كفيانا خداعه
وأحاسيسي اللي داقوا
من شهده العذاب ..
بقلم .. صبري رسلان