حكاية حلم ... للشاعر أحمد محمود حفني

حكاية حلم

لما يجي النوم في عيني
الهدوء يبقا البدايه

حلم ساكن جوا عقلي
سنين كتيره لأنه غايه

كلنا جوانا حلم بتبني
أحلام كتير مالها نهايه

مثلا ولاد أو غنا أو تعافي
وكل واحد له روايه

أو ملهوف ل حضن دافي
وربك عالم بالنوايه

حلمي
اشوف اوطانا بسلام
يرتدي ثوب جديد

صوره الموده تعم
أولادنا إيد بإيد

ده يشيد وده يسلم
والقلم يكتب اسم وليد

بدل ما نكتب بالدم
كل يوم اسم شهيد

الصبر مفتاح الأماني
بيه حتكمل الحكايه
من البداية للنهاية
.............................
أحمد محمود حفني