لحظة ندم ... للشاعر مدحت فضل

لحظة ندم

فين وانت بتجري وتلعب وانت بشبابك سعيد

دلقوتي متكتف بتشتكي وجع مرضك الشديد

راح شبابك وانت بتكد تقدح زيك زي العبيد

ضاعت حياتك وانت بتحارب في زمن عنيد

تهت وسط متاهات الزمن من غير شئ مفيد

لما اتسرق عمرك ابتديت بالبكي ويا التنهيد

عشان. كنت فاكر ان صحتك هتفضل حديد

لكن الوقت خدعك فرحة شبابك خدتك بعيد

نسيت خلاص نفسك تتوب وتبدء من جديد

ولما انتهت ايامك اتمنيت تفضل عمر مديد

لكن ياخسارة الوقت عدي وانت لسة عربيد

الشاعر مدحت فضل