دمعة حزن ... للشاعرة المتألقة كريمة دومة

دمعة حزن
يادمعة حزن واخدانا......ورميانا في بحور ياما
وتاهت فين مراكبنا.......واحلامنا مفارقان
وموج عالي بيبعت موج ....ومركبنا بشراع معوج
وضاعت منها بوصلتها....فى دوامة مامنها خروج
بتحدف فينا وبتسحب....نبص لبعض .. نتصعب
وموت حتما بيندهنا... وللشاطئ رجوع اصعب
يابحر الشط ليه بعد.؟...وموجك فيه بيتجمد...!
قصدك يعني تبلعنا.....وحلم نجاتنا ...يتبدد...!!!
ده كتر الهم قوانا.......وطول ماالصبر جوانا
حنقدر نعبر الازمة.....بارادتنا وتقوانا
.ودمعة حزن في عيونا..على حبايب راحوا ما بينا....بكرونا او بغيرها
.كريمة دومة