دعوة لمن ضاق به الحال ... للشاعر المتألق عادل عقل

دعوة لمن ضاق به الحال

ماتيجي تصرخ معايا
ونسمَّع الكون صراخنا
قبل ما تموت فينا
صرخة عايزة تقول كلام
يمكن صراخنا يدينا
قوة تزلزل الجبال
ما تيجي تصرخ معايا
ماهو الصراخ بيكون علاج
لحاجات كتير جوانا
وتملّي عايشه معانا
ماتيجي تصرخ معايا
وعليّ صوتك ويايا
وهات معاك حبة رجال
يدوّي صوتهم ع الموال
موال صراخ مالوش مثال
يمكن يحقق لينا المحال
ما تيجي تصرخ معايا
عادل عقل من ديوان خرابيش