عشق القمر (190)/بقلم الاستاذ/صبري رسلان

عشق القمر     ( 190)

.................

مرجحني شوقي للقمر  

انظر  جماله  

وسبت  نفسي  للهوى  

في  غرام  قباله   ..

له  يومين  ناسينا  ما  أفتكر  

أشواقنا  دابوا   ..

مخبي  ضيه  عننا   

حاسين  غيابه   ..

أيه  اللي  خلاه  عننا  

يحبس  جماله   ..

ولا  زارنا  ناسي  له  يومين

سادل   حجابه   ..   

حتى  النجوم  طلت  علينا  

بتحكي  حاله    ... 

عايش  في  صمت  بدون  كلام  

محبوس  في  نوره  ..

وأي   نجمه   إن  قربت 

ممنوع  تزورة   ..

لو  من  بعيد  خلوها 

تنسى  غرام   تروح  

ما  تعيشي  وهم  إدارى  فيها  

كأنه  روح    ..

خلاها  تعشق  في  القمر  

ليله  وسهر  كله  جروح  

يا  ريت  ما  أفوق  من  الحلم  ده

وبشوقي  أطوله   ..

وأملي  عيني  من  هناه  

وفى  حضني  نورة   ..

وأروح  معاه  لأبعد  مكان  

وأدور  في  كونه    ...

هرضى  بفراقك  يا  قمر  

ولا  أشوف  دموعك  

بس  تجيلي  في  السهر  

يواسيني  نورك  ..

وأحس  إني  لسه  عايشه  

حرف  فى  سطورك  

بقلم  ..  صبري رسلان