انتهينا/بقلم الاستاذه/فاطمة قرقوري الوردة البيضاء

انتهينا

بتقول انا وحدي دايما الغلطانه

وانك تعبت مني لاني مش انسانه

فاكر ان كلامك ليا لوم مش اهانه

فاكرني لسة الخير منك بترجاه و عشمانه

انا شربت منك مرار ذل ومهانه

اسمعني بقى القضية بيننا خلصانه

تعبت خلاص مفيش امل في هوانا

جربت تعيش ولو مرة احساس الخيانه

وتعيش جرح كبير ونفسك متهانة

فاكر ان اللي بتحبه مشاعرك عنده متصانه

جربت تحس بالوجع والعيون ذبلانة

والقلب يبكي والشفايف قدام الناس فرحانه

بس حلاوة روح والنار جوا القلب ولعانه

جربت تعيش دمعة حزينة والاه منك تعبانة

بتطلع مكسورة وارضك للفرحة عطشانة

جربت تلوم الدنيا وتسألها ليه نسيانا 

عايش وميت احساس مقيت صدقني وبامانة

لو جربت ده من الكسرة دنيتك تشوفها خلصانة

لو تدفع عمرك كله ليا بردو البيعة خسرانه

حياتي ضاع جمالها لما كنت فيك عشقانه

ححاول الملم الباقي واعيش بكرامة متصانه

فاطمة قرقوري الوردة البيضاء