إتغيَّرت فينا/بقلم الاستاذ الكاتب وشاعر الاغاني/جمال الشرقاوي

إتغيَّرِت فينا

أسد الشعر العربي ( جمال الشرقاوي ) 

أغنية \ إتغيَّرِت فينا \

من كلمات و ألحان و توزيع الشاعر \ جمال الشرقاوي \

لم تــُـنــْــشَـرْ من قبل 

تمردتُ دائماً من سنوات طوال علىَ كتابة الشعر و الأغنية مخالفاً تقاليد الشعر العتيقة و لكنني أبداً لا أكسَر اللغة العربية

عَدِّتْ بينا أيام

زَمَنــَّــا غير الزمن

عشنا زمان أحلام 

الحلو جنب المِحَنْ 

عَدِّتْ سنين و سنين

حياتنا جرْيِتْ بينا

و حاجات كتير يا دنيا

إتغيِّرِت فينا

الصغيَّر كْبِرْ و الكبير اهو راح

و انا و انتي يا دنيا ماسكين فــ بعضينا

بنعيد فــ أيامنا بنعيد فــ ليالينا

لقينا نفسنا غصبْ عَنــِّــنـَـا بنغني الجراح

و عرفنا متأخــَّــر العمر مش لينا

حاجات كتير يا دنيا إتغيَّرِتْ فينا 

عَدِّتْ بينا أيام

زَمَنــَّــا غير الزمن

عشنا زمان أحلام 

الحلو جنب المِحَنْ 

عَدِّتْ سنين و سنين

حياتنا جرْيِتْ بينا

و حاجات كتير يا دنيا

إتغيِّرِت فينا

كفاية تعبت اكون سَوَّاح

و انا و انتي ضعنا م الأوهام

يــ ريتنا نشوف بقىَ قــُـدَّام

ضيَّعنا أحلامنا و لا شُـفــْـنَـا قدَّامنا و لا في يوم نرتاح

الزمن لو فات عمره م يرجع بينا

حاجات كتير يا دنيا إتغيَّرِت فينا

عَدِّتْ بينا أيام

زَمَنــَّــا غير الزمن

عشنا زمان أحلام 

الحلو جنب المِحَنْ 

عَدِّتْ سنين و سنين

حياتنا جرْيِتْ بينا

و حاجات كتير يا دنيا

إتغيِّرِت فينا

القاهرة \ يناير \ ليلة الثلاثاء 8 \ 1 \ 2019 م 

الساعة 30و2 ليلاً \ جمال الشرقاوي \ كاتب و شاعر \