أقول أهواك/بقلم الاستاذ/سعيد عرفه

أقول أهواك !!!

بقلم / سعيد عرفه 

دموع الشوق بتندهالي

وبتقول لى أعود تاني

ألملم جرحى وأغني

وفى عز الفرح ينساني

بتبعتلي أكيد ريداك

وبتكتب لي على ورقي 

وبتقول لي أنا بهواك

رسايل حب مطوية 

مع الأشواق 

أمسكها وأفتحها

ألاقى جوه طياتها

جفا وأشواك

جروح العمر تمنعني

وود القلب بضلوعي

بينزف حب وآسية 

ومهما سمحت وأغفر لك 

مش ممكن ألاقي دواك

ده غدرك لي فى الماضي

وقسوة على قلبي الراضي

وكسرة روحي قدامك

وعزة نفسي تمنعني

أقول أهواك .

نسيت اللى كان بينا 

عهدتك وأمنتك 

وفى عز فرحتى فى حضنك

غرست طعنتك فيا

زرعت ف قلبى ميت طعنه

ورويت الحب بمدية 

أقول أهواك.... !!!

مش فاكر عيون الود

والورد اللى كان على الخد

والأيد اللى تشتاق تلف القد

دلوقتي بترجع لي ومن تاني 

بتطلب مني حنيه

زمان الحب ده ولى

وأصبح شجرته يابسة

مهوش لعبة بتلعبها

وترجع تاني وتسبها

ولما الشوق بيندهلك

تقول غلطة ....

وندمانه وسامحني

ومن تاني نعيد صفحة 

وننسى الماضى وآلامه

ما أنا قلبى مش مراجيح

وبيطير كبساط الريح

أنا قلبى كتير عانى

ومش ممكن يعود تانى

كالريشة فى وش الريح

خلاص أنسي ...

وكفاية تجريح .