،،،،، ملس امي،،،،، بقلم الاستاذ الشاعر/حسن الشيمي جدو حسن
(ملس أمي) أمي ياست الناس يا زهرة فل في لبس الملس في الحارة...
لا بدعة ولا حادثة ياامي من جدودك وتراثك لبسك فية قناعة....
كانت طرحة وجلابية لونها سودة وفي ملسها مدارية مش بداعة...
هو دة لبس خروجها مع جوزها أو عيلتها ماشية ملكة مش بضاعة...
وفي حياتها كان ملسها كيس حاجتها شايلة فيها زوادها و عشاها..
هما كدة في حياتهم ولمتهم قول سعادة كلها حكاوي ومتاعة....
مشيت الدنيا والملس بقي عباية لست البيت والهانم شغل وسهراية...
وعلي كل لون معمول ومطرز من غير كابيشون أو علامة...
عباية تستر والوانها زاهية وفيها المجسم مش خلاعة...
غاوين كلام علي أمهاتنا وبناتنا وانتوا مكانكوا يدوب بلاعة...
ولو فرح أو حفلة كبيرة ياما عبايات شياكة وأناقة سهراية...
لبس حشمة اسمة ملس اللي كان زمان ولما اتطور قالوا عباية...
اوعاك تعاكس مزة بعباية تطلع خالتك أو اختك تبقي مهانة...
من امتي بنتريق علي امي وأمك بعباية اختشي مهيش حكاية...
مع تحيات الشاعر حسن الشيمي...
جدو حسن..
رقم عضوية الاتحاد العربي للشعر 250
مرسلة بواسطة بريق الاقلام الادبيه @ سبتمبر 29, 2020
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية