خواطر غنائية ... يترب حقي للشاعر محمد عباس

 خواطر غنائية بعنوان :( ( يارب حقى )

حقي وربنا هيجيبهولى
م اللي اذونى
م اللي باعونى
م اللي ظلمنى
م اللي حرمني
م اللي يوم خلعوا وهجروني
م اللي نكروا الخير وياعوني
م اللي في نار الغدر رمونى
انا فوضت الامر اليك
كل حمولي ماتخفي عليك
انا وجهت. ضميرى اليك
عالم بيه ان كان يرضيك
كل همومي ماتعصي عليك
بسم االه المولي ناصرني
م اللي جحد بي واللي ظلمني
م اللي نساني واللي المني
م أللي اساء لمصيري وهاني
انا فوضت الامر اليك
بدعي واقول استرني يارب
والله عمرى ما ابص لحد
راضي برزقى وبشكر ربي
فى كل محني بقول يارب
عمرى ماغيرت في يوم
من حد
عمرى ماقلت في يوم
علي حد
يارب اهدينى
وارضيني يار ب
انا فوضت الامر اليك
بنام واقوم علشان ادعيك
اسقيهم من نفس الكاس
ثبتني علي الحق اساس
واشفيني من هم وباس
واحرسني من كل الناس
انا فوضت الامر اليك
ثقتي في ربي
ورحمة ربي
ولطف ربي
عمر ربي في يوم
مخذلني
حقي وجاني
بنفسه نصرني
لاتاخذه سنه ولانوم
عالم بي
وكن فيكون
ربي حبيبي
انا فوضت الامر اليك
عشرة طويلة
في ثانيه باعوها
زهرة جميلة
داسوا وتعبوها
حرموها من كلمة
بابا
يارب احرم اللي حرمها
واللي اذاها
واللي كسرها
كل يوم اشوف
في منامي
بنتي بتصرخ
عايزة حناني
بنتي وبس
يارب ارحمني
علي اسعادها
قويني قدرني
عيدها ميلادها
نصر اكتوبر
بعدت عني من شهرين
هي حياتي ونور العين
انا عايش علشان احميها
واسال عنها وارضي عليها
مين هيقدر يردهالي
غير ربي
ماليش حاجة تاني
بنتي وبس
والله وحشتني
نفسي اخدها في حضنى
واموت
نهبوا فلوسي
اتبلوا عليه
في الاخر
ارجع في تابوت
انا وجهت مصيرى اليك
ربي حبيبي ان كان يرضيك
بقلم ابوحبيبة
الاسماعيلية . مصر