ادفنيهم /بقلم الاستاذ الشاعر/عزالدين جبريل

إدفنيهم

مكنوش دول حبة مشاعر

وضحكتي عليا بيهم

إفحتي لهم فى التراب وإدفنيهم

ولا كان مابينا أشواق وحنين وكلمتين كانو 

فى يوم حلوين

برضي إفحتي وإدفنيهم

ولا كان حلم مابينا وإتواعدنا نحققه والكلام إللي كنا بنصدقه وكلام الناس علينا إللي اتفقنا نحرقه ولا وحشتنا لبعض

ولا أيام الفراق إللي كان يعدي يوم نقول تعبنا فيه م العد برضه إفحتي لهم وإدفنيهم

ولا دمعة الشوق في عيونا لما كنا بنلتقي وكنا

لسه بنحب بعض إدفنيهم

هاتي ساعات العتب وكل جواب مابينا إنكتب حتي الحسب ويا النسب من غير سؤال للسبب برضه إدفنيهم

كل يوم عشقته ليكي وكل حرف كتبته فيكي حتي لمستي لإديكى ولما كنتي بتزعلي ولما كنت بدادي فيكي برضه إدفنيهم

إدفني راسك زى النعامه وقولى عيشتي أيام ندامه

وصبي علي بحور ملامه

وحطي علي قلبي علامه

إنك منه متقربيش

عيشي حياتك إنتي بس

بس فيا متفكريش ولو يوم زارك خيالي إحلفي

مشفتنيش 

إنسي ساعات الدفا ووعدي ليكي بالوفا

خلاص قلبي منك إكتفي مبقتش قادر من زمان

أفرش ليكى بحور حنان

ولا هعرف أكون ليكي شط مفروش بالأمان

ضعنا خلاص ف النسيان

وزي مادفنتك انا من زمان

انتي برضه ادفنيهم

الشاعر /عزالدين جبريل