لما شايفك تنده اسمي/بقلم/الاستاذ شاعر العاميه/محمد منير سالم

لما شفايفك تنده اسمي

بأسمع واعمل ماسمعتكش

علشان ترجع تنده تاني

واعمل آل مش واخذ بالي

وانا بكياني وقلبي معك

حبي شويه عليك يا ملاك

اصلي بحس بروعه اسمي

لما بيطلع من جواك

قول يا حبيب القلب يا غالي

حبك حقق كل امالي

وكل سعادتي بتكمل بيك

حتى المر معك يحلالي

وجمال اسمي بيكمل فيك

لما عيوني في يوم تلقاك

اصلى بحس بروعه اسمي

لما بيطلع من جواك

قول يا حبيبي كمان واشجيني

صوتك هو اللي بيحييني

ويخليني اعيش في امان

وحياتك تنديني كمان

سمعني اعذب الحان

لما عيوني في يوم تلقاك

اصلى بحس بروعه اسمي

لما بيطلع من جواك 

كل العالم ياما ناداني

اصحابي واهلي وخلاني

بس شفايفك بتزيدو معاني

وتحسسني كانه اغاني

وأشعر انى ملاك بجناح

وابقى معاك طاير في سماك

اصلى بحس بروعه اسمي

لما بيطلع من جواك