الف رحمه عليكي يانفسي/بقلم/الاستاذ الشاعر/ عز الدين جبريل

ألف رحمه عليكى يانفسى

قولى لى لما أتوجع 

أنا أشكى لمين

ومين يمسح دموع العين

هو إللى بيموت

بيجيبة تاني الحنين

ولا الحزن عليه بيخلص

ولا بتنشف دموع العين

وأه

طبعك غريب يازمن

طول عمرك ما تشبع لف

أطلع من جرح لوجع

لاعمر الوجع بيروح

ولا الجراح بتخف

بقول ألأه طالعه من قلبى

ولا خفيتش

وياما يا زمن بتدور

بتجيب إللى فوق تحت

وديما قلاب ولا بتحس

بتدوس ولا بتخفش

وأه عليكى يادنيا دوراه

كما جوز رحايا مبتوقفش

إياكى ياعينى تبكى على الأيام

ولا تبكى على معروف مرجعش

يا دنيا دواره منيش عارف كيف

دباحه وواخدانا بحد السيف

دنيا غداره وخوانه

كما تربه فى جبانه

أخدتى منا كل الغوالى

ولا خليتي لينا حد

وكل ما أسألك فين راحو

ما بلاقى منك رد

أه على إللى مات وإندفن

وغسلوه ولبسوه الكفن

كل إللى باقى ليا فيكى

يادنيا يادوب عفن

وإيه أخرتك معانا

غير توب أبيض

بيقولو علية الكفن

الله يرحم ويسامح اللى راح

وبكفايه يادنيا على جراح

الشاعر/عزالدين جبريل