كل عام وانتم بخير /بقلم الاستاذ الشاعر/محمد عثمان المحامي

كل عام وانتم 

بخير 

وفسعاده وفسلام 

والمحبه كل يوم بتزيد كمان

وانت ورده مفتحه وسط الظلام 

انت بدر بينشر النور والسلام 

انت قلبي وانت عمري 

من زمن قبل الزمان

لما روحك ويا روحي 

تالفوا من ميت الف عام 

كنت عارفك كنت شايفك 

واحنا جوه ضهر ادم 

وجوه بطن حوا 

وكنا بنتكلم كمان 

كنت بكتب احلى قصه شفتها من قبل الكلام 

لما كنا فالكهوف 

كنا بنصارع اسود 

ونشوي اجدع غزال

نرفع عيوننا للسما ونشكر ربنا بكل امتنان

عارفه لما كنا فالسفينه ويا نوح 

عليه الفين سلام 

ولفينا الدنيا وسط الموج كمان

كنت بحلم من يوميها اني اشوفك لو بعد الف عام 

لكن لسه مكنش يومها ان لينا الاوان 

لكن عرفت اني انكتبلي اني ادخل جوه قلبك 

انكتبلي اني احبك 

حب اطهر من زمان 

حب طاهر لم يدنس بتفاهات اللئام 

انت قطعا زي اختي ولا امي ولا بنتي 

جوه قلبي محفوظه وغاليه 

احطها جوه عيوني واقفل عليها الصوان

عشان كده اقدر اقلك ان حبك جوه قلبي 

عمره ما هيكون هوان 

وعشان كده يا غاليه عندي لازم اقلك 

كل عام وانتم بخير 

كل اهلك كل ناسك 

كل احبابك صحابك 

كل اهلك جوه بلدك او باي بلد كمان 

كل عام زانتي فقلبي منوراه 

كل عام وانت روحي 

وانت ملاكي والدوا لكل جروحي 

وفاخر الكلام 

ليكي يا احلى غنوة خمستلاف مليون سلام 

والتحيه من كل قلبي خمستلاف مليون كمان