مرحبا بالكمامة ... للشاعرة المتألقة رجاء عبد الرزاق

مرحبا بالكمامة
قالوا خليك في البيت يابيه
ووفر بقي كم جنيه
والبس كمامه على وشك
واوعى تسأل ليه وليه
وايدك تغسلها بالصابون
واحم نفسك كده وصون
ولا تعطس في وش الناس
كده تبقي في طريق مامون
البس جوندي عند السلام
ولا يهمك أى ملام
الكورونا هتزعل وتمشي.
وإنت تصبح تمام تمام
إنت شفت الواد عبد العال
خد كورونا وكان عال العال
كل أسرته دخلت عزل
ولا نفعها منصب ولا مال
كان عامل نفسه من البشوات
ولا بيسمع نصح ولا تعليمات
قاعد دلوقتي يندب حظه
علي الزمن الحلو اللي فات
خليك عاقل ولا تصدق إشاعات
الكورونا وباء وناس بسببها اموات
يارب نجنا من هذا الوباء
وانعم علينا بالسلم والبركات
بقلمي رجاء عبد الرازق