نصيحة مريض/بقلم الاستاذ الشاعر/حربي علي

 (نصيحة مريض)

كنت زمان بزعل 

لإني ماتقدرتش في شغلي

وياما كتبت عن الظلم وفشل الإدارة

وأنا أغلي

لغاية ماتعبت

بس فهمت

وقلت لنفسي :

مين في الدنيا متظلمش؟

واللي خد حقه مرة 

يا ترى شبع  ولا مشبعش؟

واللي وصل إستريح ولا مستريحش؟

لقيت إجابة الأسئلة كلها في يد واحد

يا خسارة لو كنت فاهم ساعتها كنت أساعد

أساعد نفسي على الأقل

بدل ما أخسر صحتي وأنذل

المهم :

عرفت بإن كل شئ مكتوب

وآمنت بإن الراحة في يد علام الغيوب

(شوية إيمان يا عالم)

نصيحتي

بعد خمسين سنة مغلوب

وعجبي

  حربي علي

شاعر السويس