العيد راح ... للشاعر المتألق ياسين مصطفى بكري

****** العيد راح ******

العيد راح وانا ما شُفتِك
ما عرِفت عَيِد يوم من بُعدِك
انتِ بَعيدة والبُعُد غَدار
والشوق من قَلبي بيِندَهلِك
بعرف بأنه القلب عندك نار
والنار عم تهِب من عِندِك
ليش رحتي بعيد شو الي صار
كيف قَلبِك غِدِر يسمَحلك
انت بقلبي ساكنة ادهار
وعيونِك الي رافقوا طَيفِك
وطَيفِك معاي بقي ليل نهار
يسبح معاي في بحر حبك
يا ريتني أبقى مع الثوار
حتى اصون الحب من اجلِك
وكل العمر حارس انا ستار
وهدية يوم العيد أبعثلك
واكون جنبك رحمه مش غَدار
وأسهَر معاكِ في رضى أهلِك
...بقلمي..ياسين مصطفى بكري...