خسارة فيك/بقلم الاستاذ الشاعر/ألأمير_محمود

خسارة فيك

............... 

عايزنى اعاتبك ليه

مانا هنت عليك 

اللى هتقول عليه

باين فى عينيك

الهجر والخصام

والجرح والكلام

الوقت أى كلام 

ياحبيبى خسارة فيك 

مانا هنت عليك

العتاب عندك لوم

وديما انت المظلوم 

تقول كلام وتجرح 

وتشتكى كل يوم 

وتصدق كلام تقوله 

وتتمنى لو نوله 

وأى كلام هقوله

ياحبيبى خسارة فيك 

مانا هنت عليك 

العتاب يعيد اللى راح

وعتابك لوم وجراح 

كلامك بيزيد عذابى 

ابعد خلينى ارتاح 

كنت اتمنى الاقيك 

احايلك وارضيك

أى كلام عليك

ياحبيبى خسارة فيك 

مانا هنت عليك

.....

بقلم.الشاعر 

الأمير _محمود